Рамил Шамсетдиновны җәзалаучыларның берсенә хөкем карары чыгарылды

Чита гарнизоны хәрби суды Рамил Шәмсетдинов белән бергә хезмәт иткән Руслан Мухатовны хөкем иткән. Ул устав буенча эш итмәве өчен гаепләнелгән һәм ирегеннән 2 елга шартлы рәвештә мәхрүм ителгән. Моннан тыш Мухатов 30 мең сум күләмендә штраф түләячәк, дип хәбәр итә ТАСС.

Билгеле булганча, узган елның октябрь аенда Рамил Шәмсетдинов хәрби хезмәт бурычын үтәгәндә 6 солдатны һәм 2 офицерны  атып үтергән иде. Моның сәбәбен ул казармада офицерларның мөнәсәбәте, ягъни "дедовщина" дип аңлатты.

Лилия Локманова