Россия спортчылары Сурдлимпия уеннарында беренче урында бара

Россия җыелмасы барлыгы - 83 алтын, 51 көмеш, 61 бронза медаль яулап, гомуми хисапта беренче урынга чыкты.

Икенче урында - Украина җыелмасы (21-41-36). Өченче урынны Көньяк Корея командасы (17-19-13) яулады.

Искәртеп үтик, Сурдлимпия уеннарында начар ишетүче, яки бөтенләй ишетмәүче спортчылар катнаша. Сурдлимпия җәйге уеннары - 1924 елдан, ә кышкысы 1949 елдан үткәрелеп килә. Әлеге уеннар, Паралимпиададагы кебек үк, шул ук кагыйдәләр һәм шул ук трассаларда уза. 2017 елгы Сурдлимпия уеннары бүген, 30 июльдә, төгәлләнә.