#Кыскача яңалыклар 13 октябрь 2022, 20:13

"Һәрвакыт патриот бул!": Махсус операциядәге егетләр Фирдүс Тямаевка рәхмәт белдерде

13 октябрь 2022, 20:13

Татарстанның атказанган артисты Фирдүс Тямаев социаль челтәрләрдә Украинадагы махсус хәрби операциядә катнашучылар тарафыннан язылган видеоролик белән уртаклашкан.

Скопировать ссылку

Роликта хәрби егетләребез артистка ЛНР һәм ДНР халкына, шулай ук Россия хәрбиләренә җыелган һәм җибәрелгән гуманитар ярдәм өчен рәхмәт белдерә. Гуманитар ярдәмне артистның концерт автобусында озатканнар, руль артында Фирдүснең абыйсы Фирзар булган.

"Безнең егетләрдән ялкынлы сәлам!" артист видеоролик астында шулай дип язган.

"Барлык татарстанлыларга-ассаламу-алейкум. Авыр минутларда безне яклаучыларның барысына да рәхмәт әйтәсем килә һәм күрсәткән ярдәмнәре өчен кардәшебез Фирдүс Тямаевка аерым рәхмәт әйтәсем килә. Сезгә, Фирдүс, бәхет, сәламәтлек, гаилә иминлеге телибез. Һәрчак илебезнең патриоты бул", - дип мөрәҗәгать итә җырчыга алар видео аша.

Интернеттан файдаланучылар Фирдүс Тямаевка рәхмәт сүзләрен язган. "Афәрин! Изге гамәлләре өчен аларга икеләтә кайтсын», «исән — сау кайтыгыз, егетләр», «Фирдүс, чын күңелдән баш иябез», "Егетләргә сәламәтлек, Фирдуска зур рәхмәт", - дип язалар алар.

Кызыклы яңалыкларны күзәтеп бару өчен Т елеграмга кушылыгыз.