“Салават күпере”ндә яңа парк ачылачак

Барлыгы 67 объект гамәлгә ашырылачак: шуларның 11е - тулысынча яңа парклар һәм скверлар. Финанслауның гомуми суммасы 2,66 млрд сум тәшкил итәчәк – бу федераль дә, төбәк акчалары да. Бу хакта матбугат очрашуында Татарстан Республикасы Төзелеш, архитектура һәм торак-коммуналь хуҗалык министрының беренче урынбасары Алексей Фролов сөйләде.

– Казанда быел шәһәрдә 7 парк һәм сквер төзекләндереләчәк. Августта без "Салават күпере" торак комплексындагы паркны ачарга планлаштырабыз. Бу микрорайонда 50 меңгә якын кеше өчен беренче иҗтимагый киңлек булачак. Паркта уңайлы шәһәр ялы өчен кирәкле барлык функцияләр дә тупланачак, – диде Фролов.

– «Безнең ишегалды» Президент программасы буенча финанслау 1 млрд сумга — 8 млрд. сумнан 9 млрд. сумга кадәр арттырылды. Объектларда эшләр тулы күләмдә башкарылачак, бернинди кыскартулар көтелми.  Барлык подрядчылар да булган лимитлар кысаларында эшләячәк. Безнең базар эчендә продукция җитештерүнең үзкыйммәте үзгәрмәде. Объектлар санын беркем дә киметмәячәк. Планлаштырылган барлык позицияләрне дә үтәячәкбез, – диде спикер.