Казанда йортларга җылылыкны киләсе атнада ук бирергә мөмкиннәр.
Казанда җылылык сезоны киләсе атнадан ук башланырга мөмкин. Бу хакта “Татар-информ” мәгълүмат агентлыгы яза.
Администрациядә аппарат киңәшмәсе вакытында Казан мэре Илсур Метшин синоптикларның фаразларына таянып, тиздән һава торышының суытачыгы турында әйтте.
- Шуңа бәйле рәвештә башкарма комитет тарафыннан җылылык бирү срокларын карауларын сорыйм. Киләсе дүшәмбе, 21 сентябрьдә, без җылылык җибәрү башланды дип игълан итәрбез инде, - диде Метшин.
ТКХ комитетына һәм Казан районнары администрацияләре җитәкчеләренә тиешле йөкләмәләр бирелде.
Комментарийлар