Сайлау участокларын санитар табиблар тикшереп тора

Бу хакта бүген “Татар-информ” мәгълүмат агентлыгында узган матбугат конференциясендә Татарстан Республикасы буенча Россия кулланучылар күзәтчелеге идарәсе җитәкчесе урынбасары Любовь Авдонина хәбәр итте.

- Барлык профилактика - саклану чаралары да күрелде. - диде спикер, -  Участокларда битлек, перчатка һәм ручка җыелмасы бирелә, дистанция саклау өчен махсус билге бар, кулларны эшкәртү өчен дозатор куелган, кергән вакытта сайлаучыларның температуралары үлчәнә. Моңа бөтен процедураны башыннан алып ахырына кадәр узып шәхсән, сайлаучы буларак,үзем ышандым, - дип сөйләде санитар табиб.