#Кыскача яңалыклар 05 февраля 2019, 10:31

Шигырь укучыларны җыялар

05 февраля 2019, 10:31

«Счастливые истории» хәйрия фонды быел да «Менә дигән укулар» дип исемләнгән проект өчен волонтер шигырь укучыларны җыя.

Скопировать ссылку

Бу проект инде 2015 елдан бирле гамәлдә. Максаты – балаларны социумга яраклаштыру, иҗади талантларын үстерү, аралашу.

Әлеге проект кысаларында, волонтерлар республиканың балалар хастаханәләрендә, физик яктан мөмкинлекләре чикле Казан мәктәпләрендә ятим балалар өчен атнасына ике-өч тапкыр шигырьләр укыячак. Бәйгедә әлеге проектка битараф булмаган, олы йөрәкле, дикциясе яхшы булган 25 яшьтән узган һәркем катнаша ала.
Заявкалар 28 февральгә кадәр кабул ителә. Шигырь укучыларны 6 мартта тыңлап караячаклар. Конкурста катнашучылар укыячак әсәреннән өзек өйрәнергә тиеш булачак. Әсәрләрне сайлауда катгый таләпләр юк, шул ук вакытта аларның 6-17 яшьлек балалар өчен икәнен дә онытмаска кирәк.

Кызыклы яңалыкларны күзәтеп бару өчен Телеграм-каналга кушылыгыз.