Сумкасы артыннан кире килгән ханым троллейбус астына эләккән

Юл һәлакәте шимбә иртәсендә Кулагин урамы 4 нче йорт каршында килеп чыккан. Троллейбус йөртүче пассажирларны төшергән һәм барысы да чыгып беткәненә инангач, хәрәкәт итә башлаган. 72 яшьлек хатын-кыз алгы ишектән чыккан һәм салонда сумкасын онытуын исенә төшереп, кире кайткан. Шофер сул якка борылганда ханымны күрмәгән. Ул аягы таеп китеп, тәгәрмәч астына егылган һәм җан биргән.