Сырадан туңдырма ясый башлаганнар

"Тере сыра лабораториясе" дип аталган заводта сыраның ике төрле сортын чимал урынына кулланып, бик тәмле туңдырма "иҗат иткәннәр". Дөресрәге, Испаниядә шушы ук чималлардан туңдырма ясаганны белеп, үзләре дә тәҗрибә үткәргәннәр. Моның өчен Чаллы сырасыннан да яхшырак эчемлек тапмаганнар. Бик яхшы һәм тәмле ризык килеп чыккан. Киләчәктә мондый туңдырманы сату өчен җитештерә башларга ният итеп торалар. Әммә сырадан туңдырма ясау бик катлаулы һәм вакытны күп ала икән. Шулай булгач, аның бәясе дә түбән булмас.

«Шәһри Чаллы»