Танылган актриса Ирина Мирошниченко вафат булган

Берничә көн элек аның баш миендә яхшы шеш табылган. Шулай ук актриса салкын тидереп чирләп китә, ике бөерендә дә кисталар табыла. 

Артистканың хастаханәгә эләгүе турында 30 июльдә билгеле була. Иртән ул үзен начар хис итә башлый, табиблар артистканы реанимациягә күчерә.

Бер көннән соң, 1 августта, Мирошниченконың медикаментоз кома хәлендә булуы турында хәбәр ителә, аны ИВЛ аппаратына тоташтыралар. Табиблар актрисаның хәлен бик авыр дип бәяли.

«Известия» чыганагы сөйләвенчә, Мирошниченконы медикаментоз комага керткәннәр.

Артистка реанимациядә иртән аңына килмичә үлеп киткән.

Ирина Мирошниченко 1942 елның 24 июлендә Барнаулда туган. Актриса буларак ул Георгий Данелиянең «Мин Мәскәү буйлап атлыйм» («Я шагаю по Москве») фильмында дебют ясый. Үзенең беренче зур ролен ул Антон Тимошининның «Аларны бары тик йөзгә карап кына белгәннәр» («Их знали только в лицо»).картинасында уйный. Ул шулай ук Андрей Тарковскийның «Андрей Рублев» фильмында Мария Магдалина роле һәм «Дядя Ваня», «Вам и не снилось» картиналары буенча билгеле.

1988 елда Мирошниченко РСФСРның халык артисты исемен ала. 2021 елда ул III дәрәҗә «Ватан алдындагы казанышлары өчен» ордены белән бүләкләнә.

Фото: https://vk.com/club12595434