Марат Шәйбәков: “Хәлем тагын катлауланды...”

Укырга: «Үләм дигәндә, табиблар кулына килеп егылдым...»: Марат Шәйбәков үлемнән калган

– Бер ел элек концерт куярга китеп барганда, шәһәрне дә чыгып җитмәстән, капылт туктаган идек, күкрәк читлеген кыскач, мине егетләр, үгетләп диярлек хастаханәгә алып бардылар. Шул чакта йөрәк чыгымлап, реанимациягә эләктем. Йөрәккә стенд куйдылар. Барысы да яхшы булыр, иң начары артта калды дип яшәгәндә, хәлем тагын катлауланды. Аллаһ көч биреп, монысын да җиңеп чыгарга язсын. Аякка бастым, хәлем барынча гына коридордан йөреп киләм. Тигез сулыйм, шөкер. Чәчләремне юдым бүген. Яраларым да төзәлә башлады, җөйләре инде кычытып теңкәгә тия – сөенәм! Бүгеннән реабилитациягә җибәрләр. Ә билгеләнгән концертлар кичектерелә инде, нишлисең, җитмәсә, гарантиягә сөйләшенгән иде. Акча дип гүргә кереп булмый, ныклап торып хәлләнмичә, тамашачы алдына чыга алмам. Хастаханә койкасында яткан мәлемдә дә вакытны бушка үткәрмим анысы, яңа җырлар турында уйланам. Тик ятканда башка кергән уйның исәбе-хисабы юк икән. Хәзер йөрәккә җиңелрәк булыр инде, бер ел элек куйган стендка тимәделәр, ит үсеп, кирәксез бер “әгъза” булып калачак, йомылачак, диделәр. Аяк балтырыннан алынган кам тамырын шул иске стенд яныннан гына үткәреп, ягъни әйләнеп үтеп, йөрәкнең кан тамырына тоташтырдылар. Арты хәерле булсын, шулай дип кенә телим, – диде ул.

Марат, тизрәк тернәклән яме!