Танылган артист пневмония белән хастаханәгә эләккән

Россиянең халык артисты Борис Щербаковка пневмония булган, ПЦР-тест уңай нәтиҗә күрсәткән. “Аны ике көн элек хастаханәгә салдылар. Үзен яхшы хис итә. Үпкәләренә 1 процент зыян килгән. Бер атнадан өйгә кайтарырлар дип өметләнәм”, - дигән актерның хатыны, актриса Татьяна Бронзова.

Аның әйтүенчә, 71 яшьлек Борис Щербаков быелның июнь аенда “Спутник-V” прививкасын ясаткан булган. Татьяна үзе исә майда вакцина узган.