«Татар-информ»ның 30 еллыгына багышланган фотокүргәзмә Казанның икенче сәүдә үзәгендә ачылды
Күргәзмә тамашачыларны Татарстан башкаласы буйлап узган гасырның 80-90 нчы елларына илтә.
Күргәзмә тамашачыларны Татарстан башкаласы буйлап узган гасырның 80-90 нчы елларына илтә.
Казанда «Тандем» сәүдә үзәгендә бүген «Татар-информ» МАның утыз еллыгына һәм ТАССРның 100 еллыгына багышланган күргәзмә ачылды. Элегрәк мондый күргәзмә "Мега"да тәкъдим ителгән иде. Фотограф Рамил Гали узган гасырның 80-90 нчы елларындагы Казан елъязмасын сурәтләгән.
"Татар-информ" мәгълүмат агентлыгы инде берничә ел "Татмедиа"ның беренче катында тематик фотокүргәзмәләр үткәрә. Әмма безнең бурыч - кешеләргә якынрак булу, шуңа күрә без аларны сәүдә үзәкләрендә урнаштырырга булдык», - дип билгеләп үтте «Татмедиа» АҖ һәм «Татар-информ» мәгълүмат агентлыгы генераль директоры Шамил Садыйков. Элегрәк бу күргәзмә Әлмәт сәүдә үзәгендә эшләгән, ә хәзер аны Казанның "Тандем"ына күчерделәр, дип өстәде Садыйков.
Сәүдә үзәгенең икенче катында XX гасыр кешеләре тормышыннан төрле моментлар күрсәткән 15 фотография урнаштырылган: җинаятьчелек белән көрәштән алып шахмат турнирларына кадәр.
"Миңа барыннан да бигрәк тә туй яныннан узып баручы капчык тулы кәбестә тоткан кеше фотографиясе ошады", - дип билгеләп үтте фотографияләрне караучыларның берсе. Ул 1991 елда төшерелгән "Елга порты, татар туе" фотосурәте турында сөйләде.
Иртәдән үк сурәтләр сәүдә үзәгендә бераз гына кеше булуга карамастан, очраклы үтеп баручыларның карашларын җәлеп итә. Күргәзмә "Тандемда" да 16 ноябрьгә кадәр эшләячәк.
Комментарийлар