Татарстан чаңгычылары Россия кубогын яулады

“Талантлар табу җиңел түгел, әмма безнең лидерлык позицияләрен ныгыту өчен теләк һәм мөмкинлекләр бар. Беренче булырга кирәк”, – Чаңгы узышлары һәм биатлон федерациясе президенты Илшат Фәрдиев сезон башында спортчылар алдында шундый максат куйган иде.

Хыяллар чынга аша – Татарстан чаңгычыларына Россия Кубогы ярышларында тиңнәр булмады. Архангель өлкәсендә чаңгы ярышлары буенча Россия Кубогының финалыннан соң Татарстан Республикасының җиңүче булуы игълан ителде. Бу – республика чаңгычыларының Кубок ярышларында өченче җиңүе. Икенче урында – Коми республикасы, өченче баскычта Ханты-Мансийск чаңгычылары.

Узып бара торган сезонның гомуми нәтиҗәләргә килгәндә, Татарстан җыелма командасы Россия төбәкләре арасындагы комплекслы зачетта 5348 очко җыеп, беренче урында бара. Икенче урында – Архангельск өлкәсе (4461), өченче урында – Төмән чаңгычылары (3726).

Финал этабы 26 февральдә старт алды һәм төбәкнең “Малиновка” Чаңгы спорты үзәгендә үтте. Анда илнең 150дән артык чаңгычысы катнашты. Кубок ярышлары 1 мартта тәмамланды: әлеге җиңүне чаңгычылар Татарстан Президенты Рөстәм Миңнехановның туган көненә бүләк дип белдерде.