Татарстан Гидрометеоүзәге беренче карның кайчан явачагын әйткән

Бу хакта “Татар-информ”га ТР Гидрометеоүзәге башлыгы Феликс Гоголь хәбәр иткән. "Безнең төбәктә беренче кар еш кына октябрьнең икенче-өченче декадасында ява һәм тиз эри дә. Республика буенча кар катламы, гадәттә, ноябрьнең икенче декадасы ахырында ята. Ләкин кар октябрь ахырында ук яткан яки, киресенчә, декабрь башында да булмаган еллар да күзәтелде", - дип сөйләгән ул. 

ТР Гидрометеоүзәге мәгълүматлары буенча, ялларда аномаль салкын һава көтелә.