#Кыскача яңалыклар 07 февраля 2019, 14:00

Татарстан Мәдәният министрының беренче урынбасары билгеле булды

07 февраля 2019, 14:00

Татарстан Мәдәният министрының беренче урынбасары итеп Юлия Әдһәмова билгеләнде. Бу мәгълүмат министрлыкның рәсми сайтында күрсәтелгән.

Скопировать ссылку

Юлия Әдһәмова белгечлеге буенча икътисадчы-математик һәм юрист, Казан дәүләт университетын тәмамлаган. 2010 – 2016 елларда Татарстан Мәдәният министрлыгында эшләгән, биредәге хезмәт юлын мәдәни мирас объектларын саклау бүлегендә башлап, юридик һәм дәүләт заказы бүлекләрен җитәкләгән.

2016-2018 елларда – биредә Ирада Әюпова җитәкчелек иткәндә - Татарстан Республикасының Дәүләт комитеты рәисе урынбасары иде.

2018 елда Юлия Әдһәмова Мәдәният министрлыгына әйләнеп кайтты һәм Мәдәният министры урынбасары итеп билгеләнгән иде.

Рузилә Мөхәммәтова

Татар-информ

Кызыклы яңалыкларны күзәтеп бару өчен Телеграм-каналга кушылыгыз.