#Кыскача яңалыклар 08 ноября 2022, 15:00 Уку өчен 2 минут

Татарстан мөслимәләре солдатларга җибәрү өчен җылы оекбашлар бәйли

08 ноября 2022, 15:00

Уку өчен 2 минут

Яр Чаллы мөхтәсибәте каршында эшләп килүче мөслимәләр берлеге башлангычы белән, шәһәрнең “Нур-Ихлас”, “Ак мәчет”, “Сөембикә” һәм Җәмигъ мәчетләрендә якшәмбе мәктәпләрендә укучы хатын-кызлар мобилизацияләнгән кардәшләребезгә озату өчен җылы оекбашлар бәйли башлады. Бу эштә 60 мөслимә катнаша.

Скопировать ссылку

Яр Чаллы шәһәре мөслимәләр җәмгыяте җитәкчесе Рима ханым Исхакова хәбәр иткәнчә, мәчетләр каршындагы курсларда белем алучыларга 123 пар оекбашлык йон җепләр сатып алып таратылган. Оекбашлар бу атнаның якшәмбесенә әзер булыр, дип көтелә. Күпләп оекбашлар бәйли башлаганчы, Яр Чаллы мөслимәләре аерым-аерым гына да, сарык йонын эрләп, 100 гә якын оекбаш бәйләп тапшырган. Шулай ук кибеттән сатып алынган җылы эчле һәм ангора йоныннан бәйләнгән 80 ләп оекбаш алып килгәннәр. Шулай итеп, Яр Чаллы шәһәре мөслимәләре махсус хәрби операция кырларына 300 пардан артык җылы оекбаш җибәрергә әзер.

Җылы оекбашлар бәйләү буенча оештыру эшләре мәчетләр каршындагы курсларда белем алучыларның интернеттагы төркемнәре аша алып барыла.

Шушы яхшы гамәлгә кушылып, Татарстаннан мобилизацияләнгән кешеләргә җылы киемнәр, медикаментлар, хәләл коры паек, тушенка һәм аптечка белән ярдәм күрсәтергә теләүчеләр әйберләрен “Нур-Ихлас” мәчетенә китерә ала, дип хәбәр итә Диния Нәзарәте.