ТР Президенты Рөстәм Миңнеханов 175 нче Казан гимназиясендә фаҗига нәтиҗәсендә һәлак булган балаларның ата-аналары белән очрашты.
Бу хакта Татарстан Президенты матбугат хезмәте җитәкчесе Лилия Галимова хәбәр итте. Очрашуда шулай ук һәлак булган укытучыларның туганнары, шулай ук Татарстан мөфтие һәм Казан һәм Татарстан Митрополиты катнашты. Дин әһелләре искә алу догаларын укыдылар. Әңгәмә барышында Рөстәм Миңнеханов фаҗигадә балаларны югалткан ата-аналар сорауларына җавап бирде. Моннан тыш, Татарстан Президенты очрашуда катнашучылар белән һәлак булганнарның гаиләләренә һәрьяклап ярдәм оештыру турында да сөйләште. Бөтен барлыкка килгән өстәмә мәсьәләләр буенча Рөстәм Миңнеханов профильле министрларны хәл итү өчен җаваплы дип билгеләде.
Искәртеп узабыз, Россия Президенты Владимир Путин республика җитәкчелегенә фаҗигадә җыян күрүчеләргә төрле яклап ярдәм итәргә боерган иде.
Фото: "ШК" архивыннан
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар