#Кыскача яңалыклар 27 июня 2017, 06:46

«Татарстан яшьләре» газетасы баш мөхәррире вазифасын вакытлыча башкаручы билгеле булды

27 июня 2017, 06:46

«Татарстан яшьләре» газетасы редакциясенә Россиянең Дәүләт Думасы депутаты Илдар Гыйльметдинов килеп китте. Ул газета хезмәткәрләре белән очрашты, хәлләрен белеште.

Скопировать ссылку

Исегезгә төшерәбез, 23 июнь көнне «Татарстан яшьләре»нең баш мөхәррире Исмәгыйль Шәрәфиевне соңгы юлга озаттылар. Ул бу вазифаны 27 ел башкарган иде.

Илдар Гыйльметдинов үткәргән очрашуда «Татарстан яшьләре» газетасының баш мөхәррире вазифасын вакытлыча башкаручы итеп Атлас Гафиятов билгеләнде. «Фактта 8 айга якын баш мөхәррир вазифасын башкарырга туры килде. Бүген бу исем рәсми билгеләнде генә», - дигән Атлас әфәнде «Матбугат.ру» хәбәрчесенә. Шулай ук газетаның уставын яңадан карап чыгу кирәклеген дә әйткән. Бу документны кабул итүгә 20 елга якын вакыт узган.

Кызыклы яңалыкларны күзәтеп бару өчен Телеграм-каналга кушылыгыз.