Татарстан Үзәк Сайлау комиссиясе әгъзалары сайланды

Бүген Татарстан Дәүләт Советы депутатларының көзге сессиясендә республика Үзәк сайлау комиссиясе әгъзаларын сайлау мәсьәләсе күтәрелде. Моңа кадәр сайланган әгъзаларның срогы сентябрь аенда тәмамланачак. Аларны 5 елга сайлап куялар.

Билгеле булганча, республика законнары нигезендә, Татарстан Үзәк сайлау комиссиясе әгъзалары 14 кешедән гыйбарәт. Аларның 7 сен Дәүләт Советы депутатлары тарафыннан, калганнары татарстан Президенты тарафыннан билгеләнә.

Дәүләт Советы депутатлары тавыш бирүе нәтиҗәсендә, Үзәк сайлау комиссиясенә:

Рөстәм Заһидуллин (ТР юстиция министры);

Светлана Гыйниатуллина (“Бердәм Россия” сәяси партиясе Төбәк башкарма комитетында бүлек җитәкчесе);

Наталья Пименова (яшел Үзәндә юридик бюро җитәкчесе);

Ленар Әхмәтҗанов (Чаллы Башкарма комитетының Хокук идарәсе җитәкчесе);

Надежда Борисова (Үзәк сайлау комиссиясенең элеккеге составында секретарь);

Сергей Видисенков (Питрәч районының яшьләр үзәгендә өлкән тренер);

Альбина Җиһаншина (Казан Башкарма комитетының оештыру идарәсе җитәкчесе урынбасары) сайлап куелды.