Татарстанда 200 мең сум хезмәт хакы ала торган эш урыны тәкъдим итәләр

Модалы хатын-кыз киеме җитештерә торган компания шушы хакка коммерция директоры вазифасына эшкә чакыра. Кыйммәтле эш хаклары буенча рейтингта икенче урында - сату буенча төбәк җитәкчесе урынбасары вакансиясе, түләү 150 меңнән башлана.

Бер халыкара компания Кипрдагы офисларына барып эшләүче хезмәткәргә 2700 евро тәкъдим итә. 100 мең сумнан башланган хезмәт хакын, барыннан да элек, сәүдә өлкәсендә, төзелештә һәм мәгълүмати технологияләр тармагында тәкъдим итәләр.