Татарстанда адашкан кызны бер ир-ат мәсхәрәләгән

14 яшьлек кыз дусты белән урамда йөргәннән соң, саубуллашып, өенә кайтырга автобус тукталышына юнәлә. Тик ул таныш булмаган тукталышта басып торганда акчасы калмавын исенә төшерә һәм телефоны да сүнә.

Бу хәлдән аптырап һәм елап торган кызга бер егет игътибар итә. Ул танышына шалтыратып, кызны өенә кайтарып куюын үтенә. Әмма ярдәм итәргә дип килгән ир-ат аны өенә илтәсе урынга, башта спиртлы эчемлек эчерә, аннан өенә алып кайтып көчли.

Оятсыз гамәлен кылган ир кызга такси тотарга акча биреп чыгарып җибәрә. Гаеплене полиция тоткарлый. Ул элек тә хөкем ителгән булган кеше була.