#Кыскача яңалыклар 07 октября 2018, 10:47

Татарстанда “Бердәм урман утырту көне”ндә 1,3 млн үсенте утыртылды.

07 октября 2018, 10:47

Татарстанда “Бердәм урман утырту көне”ндә 1,3 млн үсенте утыртылды. Табигатьне саклау акциясендә республиканың 20 меңләп кешесе катнашты. Бу хакта Татарстан Урман хуҗалыгы министрлыгы матбугат хезмәте хәбәр итә.

Скопировать ссылку

Акциядә Татарстан Президенты Аппараты, Татарстан Министрлар Кабинеты һәм Татарстан Дәүләт Советы, Татарстан прокуратурасы хезмәткәрләре, республиканың барлык министрлык һәм ведомство вәкилләре, югары уку йортлары укытучылары һәм студентлары, шулай ук волонтерлар катнашты. Утырту материалы, эш кораллары һәм махсус кием Татарстан Урман хуҗалыгыннан тәкъдим ителде.

Гомумән алганда, 6 октябрьдә 300 гектар мәйдан яшелләндерелде. Чарада ике мәйдан төп агач утырту урыны булды. Казанның Вахитов исемендәге скверында 400 Европа чыршысы, вак яфраклы юкә һәм миләш утыртылса, Питрәч районының Иске Шыгали авылында 40 мең төп ылыслы агачлар утыртылды.

Казаннан читтә узган акциядә - Биләр, Бөгелмә, Буа, Алабуга, Мамадыш, Чаллы һәм Тәтештә кешеләр аеруча күпләп катнашты.

фото - minleshoz.tatarstan.ru

Кызыклы яңалыкларны күзәтеп бару өчен Телеграм-каналга кушылыгыз.