Татарстанда эшкуарлыкка ярдәм итү өчен 25 млрд. сумнан артык акча юнәлтеләчәк

Пандемиядән зыян күргән эшмәкәрләргә ярдәм итү өчен 1 млрд. 300 млн. сум бүлеп бирелгән. Бу атнада аеруча авыр хәлдә калган тармаклар исемлегенә азык-төлек булмаган товарлар белән сату итүче, музейлар һәм зоопарклар эшчәнлеге өстәлде. Салым түләү буенча кичектерелү яисә иминият кертемнәрен түләүне озайтудан тагын 45 мең кече һәм урта предприятие, шәхси эшмәкәрләр файдалана алачак.

Узган атнада сәнәгать, авыл хуҗалыгы һәм мәгълүматлаштыру һәм элемтә тармакларында система барлыкка китерүче оешмаларның федераль исемлегенә Татарстан Республикасының 52 оешмасы керде. Зыян күргән эре һәм урта предприятиеләр хезмәт хакына процентсыз кредитлар бирү буенча киңәйтелгән программадан файдалана алачак (кредитлау чорында персоналны саклап калуны исәпкә алып). Киләсе атнадан система барлыкка китерүче оешмаларга әйләнеш чараларын аларның уртача айлык запасы күләмендә тулыландыруга ташламалы кредитлар бирә башлаячаклар. Моның өчен кредит оешмаларына 24 млрд. сум бүлеп бирәчәкләр.

Фото: pixabay.com