Татарстанда гөмбә белән агуланучылар арасында 3 бала да бар

Ел башыннан бирле Татарстанда гөмбә белән агулануның 10 очрагы теркәлгән, аларда 12 кеше зыян күргән, шуларның өчесе – балалар.

Казанда гөмбә белән агулануның 8 очрагы теркәлгән. Үлү очраклары теркәлмәгән. ТР буенча Роспотребнадзор идарәсендә гөмбә җыю, саклау һәм әзерләү кагыйдәләре турында искә төшерәләр.

Гөмбә белән агуланучылар хастаханәдә уртача 3-4 көн ята. Агулану билгеләре - косу һәм эч китү. Агуланучылар сыеклык күп югалта. Табиблар югалган сыеклык балансын тутыру өчен инфузион терапия, шулай ук бавырны саклау терапиясе үткәрә.