#Кыскача яңалыклар 11 января 2021, 13:58 Уку өчен 2 минут

Татарстанда коронавируcның 90 яңа очрагы ачыкланган

11 января 2021, 13:58

Уку өчен 2 минут

Татарстанда соңгы тәүлектә Covid-19 коронавирус инфекциясе йоктыруның 90 яңа очрагы ачыкланган. Бу хакта ТР Сәламәтлек саклау министрлыгының матбугат хезмәте хәбәр итә.

Скопировать ссылку

«Ике кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. 23 кеше хастаханәгә озатылган, 67 кеше өендә дәвалана», — диелә ведомство хәбәрендә.

Инфекция йоктыручыларның күбесе 30-50 яшь, (28 кеше) 60-70 яшь, (24 кеше), 50-60 яшь (11 кеше) аралыгында ачыкланган.

Казанда — 52, Чаллыда — 9, Түбән Камада -4, Яшел Үзән районында — 5, Алексеевск һәм Бөгелмә районнарында — өчәр, Апас районында — ике, Баулы, Буа, Югары Ослан, Биектау, Лаеш, Лениногорск, Менделеевск, Нурлат, Питрәч, Саба, Чистай һәм Ютазы районнарында берәр очрак ачыкланган.