Татарстанда коронавирус йоктыру очракларының көнлек үсеше 73%ка арткан

Татарстанда декабрь аенда  коронавирус инфекциясе йоктыру очраклары саны тәүлегенә уртача 90 очрак тәшкил итә, бу ноябрьнең шул ук чоры белән чагыштырганда 73% ка югарырак. Бу хакта бүген санитар-эпидемиологик вәзгыятькә багышланган матбугат конференциясендә ТР буенча Роспотребнадзор идарәсе җитәкчесе урынбасары Любовь Авдонина хәбәр итте.

"ОРВИның сезонлы күтәрелеше саклана, шул исәптән - коронавирус инфекциясе дә килеп кушыла", - дип хәбәр итте спикер.
Коронавирус инфекциясенең авыр формада үтү очраклары 15 процентка кимегән, ә хастаханәдән тыш пневмания белән чирләп китү - 10 процентка азайган.

балалар белән чагыштырганда олылар арасында чирләп китү , 10 тапкырга диярлек югарырак булуын хәбәр итте Авдонина.
"Бездә әле дә 65 яшьтән өлкәнрәк затлар арасында авыручылар саны арта, һәм бу дәвам итә - алар куркыныч төркемдә, һәркайсыбыз да моңа ныклы игътибар итәргә тиешбез. Чираттагы тапкыр кабатлыйм, 65 яшьтән өлкәнрәкләр белән элемтәне киметергә, ә әлеге категория үизоляцияләү режимында калырга һәм кешеләр күпләп җыела торган урыннарга йөрмәскә киңәш итәбез", - диде Татарстан Республикасы буенча Роспотребнадзор идарәсе җитәкчесе урынбасары.