#Кыскача яңалыклар 03 февраля 2022, 13:39 Уку өчен 2 минут

Татарстанда планлы медицина ярдәме күрсәтү туктатылды

03 февраля 2022, 13:39

Уку өчен 2 минут

Татарстанда коронавирус белән бәйле вазгыятьнең катлаулы булуы аркасында, планлы медицина ярдәме күрсәтүне һәм профилактик күзәтүләр туктатылды.

Скопировать ссылку

Өлкән яшьтәгеләргә планлы амбулатор-поликлиника медицина ярдәме күрсәтү, шул исәптән диспансеризация һәм профилактик күзәтүләр үткәрү туктатылды, дип хәбәр итте республиканың Сәламәтлек саклау министрлыгы вәкиле.

Башкалар өчен куркыныч тудырган авырулар, хәрби хезмәткә чакырылучылар, йөкле ханымнар, медицина хезмәткәрләре һәм гражданнарның кайбер башка категорияләренә бу таләп кагылмый.

Шулай ук 65 яшьтән өлкәнрәк пациентларны авыллардан хастаханәгә китерү туктатылган. Моннан тыш, балалар һәм яшүсмерләргә профилактик медицина күзәтүләре туктатылып тора. Бу балалар бакчаларына керү мөмкинлеген рәсмиләштерү өчен медосмотрларга кагылмый.⠀
Оператив штаб мәгълүматлары буенча, 2 февральгә Татарстанда COVID-19 белән авырып китүнең 50 490 очрагы ачыкланган, шуларның 848 е соңгы тәүлектә.

Кызыклы яңалыкларны күзәтеп бару өчен Вконтактега кушылыгыз.