Татарстанда тугыз сыйныф карантинга ябылган

Казан һәм Менделеевск районы мәктәпләрендә дүртешәр сыйныф, бер сыйныф – Түбән Кама районы мәктәбендә.

«Министрлык көн саен хәлне күзәтеп тора. Салкын тию очраклары артуга бәйле, кайбер сыйныфлар дистанцион укытуга күчә», – дип хәбәр ителә Татарстанның Мәгариф һәм фән министрлыгында.

Мәктәпләрендә иртәнге фильтр, даими җилләтү, биналарны чистарту эшләре алып барыла. Бер бинада укучылар күпләп җыелырга тиеш түгел, укытучыларга битлек режимын саклау мәҗбүри.