Тимер юлларын яңарталар

Узган елны ике тимер юлын тулысынча төзекләндергән булганнар. Тагын 11 тимер юлы киселешләренә фото һәм видеофиксацияләр куячаклар. Әлеге эшләр өчен 44 миллион сум акча бүленеп бирелгән.

– Юл хәрәкәте иминлеге өчен сигнал бирә торган тамгаларны, рельсларны алмаштырып куярга, тирә-якны асфальтларга кирәк. Соңгы ике ел эчендә без тугыз юл кисешен видеотеркәгеч белән тәэмин иттек. Алардагы мәгълүмат турыдан-туры онлайн режимда ЮХИДИ идарәсенә җибәрелеп тора. Май башында тагын 11 юл кисешенә видеотеркәгеч кую килешенде, - ди төбәк буенча Горький тимер юллары җитәкчесе урынбасары Александр Черемнов.

Аның сүзләренчә, бер видеотеркәгеч кую өчен якынча 4 миллион сум акча китә.  Тимер юлларына нинди дә булса корылма кую өчен 300 мең сум кирәк булачак.