Түләүләрне 75 мең сумга җиткерергә телиләр. Кемнәргә?

Бөек Ватан сугышы ветераннарына 75 мең сум күләмендә еллык түләү билгеләргә тәкъдим итәләр.
Әлеге закон проектын якын арада Дәүләт Думасына кертәчәкләр. Моның өчен бюджеттан 30 миллиард сум бүлеп бирелер дип көтелә.
Хәзерге вакытта еллык түләү күләме 10 мең сумны тәшкил итә. Ул ветераннарга, шулай ук Бөек Ватан сугышы чорында һәлак булган хәрбиләрнең тол хатыннарына, вафат булган сугыш инвалидларның һәм сугышта катнашучыларның тол хатыннарына бирелә.