#Кыскача яңалыклар 24 июня 2020, 17:57

ТР Үзәк сайлау комиссиясе урамда тавыш бирү участокларының һәм мәйданчыкларының эш режимын аңлатты

24 июня 2020, 17:57

Илнең Төп законына төзәтмәләр буенча тавыш бирү участоклары 25 июньнән 30 июньгә кадәр көн саен 8 дән 20 сәгатькә кадәр эшләячәк, әмма төрле мәйданчыклар өчен үз вакыты билгеләнәчәк.

Скопировать ссылку

Бу хакта Татарстан Республикасы Үзәк сайлау комиссиясе рәисе Андрей Кондратьев сөйләде. "25 июньнән 30 июньгә кадәр республика халкы йорт яны территорияләрендә дә, турыдан-туры тавыш бирү биналарында да тавыш бирә алачак. Ачык һавада участок 8 сәгатьтән 13 сәгатькә кадәр эшләячәк, ә тавыш бирү урыннары - 14 сәгатьтән 20 сәгатькә кадәр", - дип аңлатты ул.

ТР Үзәк сайлау комиссиясе рәисе искәрткәнчә, ял көннәрендә, 27 һәм 28 июньдә, участоклар 8 дән 14 сәгатькә кадәр эшләячәк. “Тавыш бирү участокларының эш графигы яшәү урыны буенча гражданнарга җиткереләчәк һәм Татарстан Республикасы Үзәк сайлау комиссиясе сайтында урнаштырылачак”, - дип өстәде Кондратьев.

Тавыш бирүнең төп көнендә, 1 июльдә, Татарстан халкы сайлау участокларында РФ Конституциясенә төзәтмәләр буенча үз фикерләрен белдерә алачак, алар 8 сәгатьтән 20 сәгатькә кадәр ачык булачак.

Кызыклы яңалыкларны күзәтеп бару өчен Телеграм-каналга кушылыгыз.

#Конституция