"Царево village"да янгын. Ике кеше үлгән

Казан янындагы яңа торак комплексларның берсендә - "Царево village" торак комплексында зур янгын нәтиҗәсендә ике кеше һәлак булган.

Бу хакта Россия Гадәттән тыш министрлыгының ТР буенча идарәсе хәбәр итә. Хәбәрләргә караганда, торак комплексның Муса Җәлил урамындагы өч катлы йортындагы беренче катында янгын чыга. Әлеге йорттан җиде кеше чыгып өлгерә. Кызганыч, янгыннан соң ике кешенең мәете табыла.