Үлем җәзасы яңадан кертелерме?

Кремль хәзер Россиядә үлем җәзасына мораторийны бетерү мөмкинлеге турында фикер алышуда катнашмый, дип хәбәр итте журналистларга Президентның матбугат сәркатибе Дмитрий Песков.

"Без хәзерге вакытта бу дискуссиядә катнашмыйбыз", дип белдергән Кремль вәкиле.

«Бердәм Россия» Дума фракциясе башлыгы Владимир Васильев элегрәк «Россия 24» эфирында үлем җәзасы темасы тирәнтен эшләнәчәк дип хәбәр иткән иде.

Конституция законнары һәм Дәүләт төзелеше комитеты башлыгы Андрей Клишас билгеләп үткәнчә, Конституция Судының үлем җәзасы турындагы карары аерым очракларда мораторийны бетерү мөмкинлеген һәм аерымлыкларны күздә тотмый.