Умартачылар җәйгә әзерләнә

Татарстан Авыл хуҗалыгы һәм азык-төлек министрлыгы матбугат хезмәтеннән хәбәр итүләренчә, республикада март тахырында 15 %ка якын умарта күче ачык һавага чыгарылган. Ләкин көннәр суытып җибәрү сәбәпле, ояларны җылытырга һәм махсус азык куярга туры килә. Быел бал җыючы умарталар саны артачак. Узган ел умарта күчләренең саны 239 мең булса, быел исә аларның саны 246,6 меңне тәшкил итә. Умарталыкларның күбесе авыл җирлегендә урнашкан.