Урманда яшь гаиләнең мәетләрен тапканнар

Башкортстанның Бакалы районы Нагайбәк авылыннан ерак түгел җирдә коточкыч хәл булган. Урман янында яшь гаиләнең мәетләрен тапканнар. «Башинформ» хәбәр иткәнчә, фаҗига булган урында тикшерүчеләр эшли. Алар фикеренчә, 21 яшьлек кыз белән 32 яшьлек ир-ат ирле-хатынлы булган һәм үзара сүзгә килгәннәр. Бәхәс барышында ир-ат хатынына мылтыктан аткан, соңыннан үзенә аткан.