#Кыскача яңалыклар 05 мая 2021, 11:22 Уку өчен 2 минут

"Вакцинаның икенче дозасыннан баш тартырга ярамый"

05 мая 2021, 11:22

Уку өчен 2 минут

Коронавирустан вакцинаның икенче дозасы нәтиҗәне ныгыту һәм ныграк иммунитет формалаштыру өчен кирәк, югыйсә кеше үз сәламәтлегенә зыян сала һәм беренче дозаның нәтиҗәлелеген юкка чыгара.

Скопировать ссылку

Бу хакта РИА Новостига Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) Эпидемиология фәнни-тикшеренү институты директорының фәнни эш буенча урынбасары, Россия Фәннәр академиясе әгъза-корреспонденты Александр Горелов әйтте.

Горелов вакцина дозалары арасында оптималь интервал, кагыйдә буларак, 30-45 көн вакыт санала, әмма пандемия шартларында ай ярым - артык зур вакыт, диде. Тулы кыйммәтле иммунитет тизрәк формалашуы мөһим, шуңа күрә хәзерге вакытта бу интервал 21 көнгә кадәр кыскартылган, дип аңлатты белгеч.

«Вакцинаның икенче дозасыннан баш тартканда, кеше үз сәламәтлеген куркыныч астына куя һәм беренче дозаның нәтиҗәлелеген юкка чыгара. Чөнки берничә айдан соң янә инфекция баш калкытырга мөмкин. Шуңа күрә иммунологик нәтиҗәгә ирешү өчен вакцинациянең тулы курсын узу һәм коронавируска каршы вакцинаның ике дозасын алу бик мөһим», - дип искәртте Горелов.

Чыганак: "Татар-информ"

Кызыклы яңалыкларны күзәтеп бару өчен Вконтактега кушылыгыз.