#Кыскача яңалыклар 11 апреля 2022, 14:48

Ветераннар Җиңүнең 77 еллыгы уңаеннан бер тапкыр бирелә торган түләүләр алачак

11 апреля 2022, 14:48

Россия Пенсия фонды хәбәр иткәнчә, башка пенсия һәм социаль түләүләр белән бергә, Бөек Ватан сугышы инвалидлары һәм анда катнашучыларга апрельдән өстәмә 10 мең сум акча күчерәчәкләр.

Скопировать ссылку

Россия Пенсия фондының Татарстан Республикасы буенча бүлеге Бөек Ватан сугышында Җиңүнең 77 еллыгын бәйрәм итүгә багышланган түләүләрне күчерә башлады.

10 мең сум күләмендә бер тапкыр бирелә торган түләү апрельдән башка пенсия һәм социаль түләүләр белән бергә күчерелә. Аны 1941-1945 еллар вакыйгаларында катнашкан Бөек Ватан сугышы инвалидлары һәм катнашучылары ала.

«Татарстан Республикасында Җиңү көненә багышланган ел саен бирелә торган түләүләрне 438 ветеран алачак. Түләү Россия Пенсия фондының территориаль органнары карамагында булган мәгълүматлар нигезендә башкарыла», - дип билгеләп үтте ТР буенча Россия Пенсия фонды идарәчесе Эдуард Вафин.

Исегезгә төшерәбез, 1941-1945 еллардагы Бөек Ватан сугышы инвалидларына һәм анда катнашучыларга бер тапкыр бирелә торган түләү Россия Федерациясе Президенты Владимир Путинның 2019 елның 24 нче апреленнән чыккан «Җиңү көненә гражданнарның кайбер категорияләренә ел саен акчалата түләү турында»гы 186 нчы номерлы Указы нигезендә гамәлгә ашырыла.