#Кыскача яңалыклар 02 мая 2021, 22:42 Уку өчен 2 минут

Владимир Путин: "Пасха якыннарыбызга ярдәм итәргә омтылыш уята..."

02 мая 2021, 22:42

Уку өчен 2 минут

Президент Владимир Путин православие христианнарын һәм барлык Россия халкын Пасха бәйрәме белән котлады. Котлау телеграммасы Кремль сайтында урнаштырылган.

Скопировать ссылку

«Тормыш, игелек һәм гаделлек тантанасын гәүдәләндерә торган Пасха бәйрәме бик зур әхлакый мәгънәгә ия. Ул ышаныч, өмет, якыннарыбызга ярдәм итәргә омтылыш уята», — дип Президент сүзләрен китерә аның матбугат хезмәте.

Путин Рус Православие чиркәвенең һәм башка христиан конфессияләренең кешеләр арасында татулыкны һәм иминлекне саклаудагы, динара һәм милләтара диалогны үстерүдәге нәтиҗәле эшчәнлеген билгеләп үтте.

«Чиркәү җәмгыятьтә югары идеалларны һәм гаилә традицияләрен армый-талмый алга сөрә, шулай ук үсеп килүче буынны тәрбияләү турында кайгырта, социаль проблемаларны хәл итү өчен күп эш башкара», — дип өстәде дәүләт башлыгы.

Татар-информ

Кызыклы яңалыкларны күзәтеп бару өчен Вконтактега кушылыгыз.