Янгында һәлак булган егетнең гәүдәсе иртән генә табылган

Янгын турындагы хәбәр 19:30 сәгатьтә килеп ирешкән. Янгын сүндерүчеләр әлеге урынга 20 минут эчендә килгән.

Биредә 57 квадрат метр мәйданда йорт белән сарай янган. Ялкын телләре аздан гына 7 метр ераклыкта торган күршеләрнең мунчасына күчмәгән. 

Янгын 21:13 сәгатьтә сүндерелгән. 21 декабрьдә 06:41 сәгатьтә янгын булган урында үлгән кеше гәүдәсе табылган. Аның 1990 елгы ир-егет булуы ихтимал, дип фаразлана.

Янгын сәбәпләре ачыклана.