Яр Чаллыда югалган тугыз яшьлек малай табылган

16 февраль кичендә Яр Чаллыда мәктәптән өенә кайтмаган тугыз яшьлек малайны эзли башлыйлар. Эзләүләрне полиция һәм волонтерлар алып барган, мәгълүмат социаль челтәрләрдә актив таралган.
"Челнинские известия" басмасына билгеле булганча, кич белән малайны шәһәр тукталышларының берсендә бер хатын-кыз табып ала. Ул аны социаль челтәрләрдә урнаштырылган фотосурәтләрдән таный. Хатын игъланда бирелгән номер буенча шалтыраткан һәм баланы әтисе килеп алганчы, көтеп торган.

Фото: http://pixabay.com