Яшел Үзән кешесе улын үтергән дә, мәет янында бер атна яшәгән

29 ноябрь кичендә 56 яшьлек Яшел Үзән кешесе 26 яшьлек улы белән эчеп утырганда араларында бәхәс чыга һәм улы әтисен пычак белән яралый. Әтисе пычакны тартып ала да берничә тапкыр улына кадый. Шуннан ир-ат аңын югалта. Аңына килгәч, тагын пычак алып, улына кадый. Берничә сәгатьтән улы үлә. Әтисе улының мәете белән бер атна тулай торактагы бер бүлмәдә яши. Аннары танышына китеп бара. 7 декабрьдә, алган ярасы аркасында, хәле начарлана. Хастаханәдә ул барысын да сөйләп бирә.