Яшел Үзән районындагы янгында ир-ат һәлак булган

Татарстанда Яшел Үзән районында шәхси йорт һәм гараж янган. Янгында бер ир-ат һәлак булган, ә аның зыян күргән туган абыйсы район үзәк хастаханәсенә озатылган. Бу хакта Россия Гадәттән тыш хәлләр министрлыгы матбугат хезмәтендә хәбәр иттеләр.

Янгын иртән Кооператив урамындагы Протопоповка бистәсендә булган. Янгын сүндерүчеләргә хәбәр кереп 11 минут узганнан соң урынга килеп җиткәннәр. Шәхси йорт һәм гараж ут эчендә калган. Янгынны сүндерүгә бер сәгатьтән артык вакыт киткән.
Янгын сүндерүчеләре өйдә ир кеше гәүдәсен таба. Шулай ук янгында тагын бер ир-ат зыян күргән, йорт хуҗасының өч туган абыйсы. Аны Үзәк район хастаханәсенә озатканнар. Янгын сәбәбе билгеләнә.