#Кыскача яңалыклар 02 июня 2021, 09:59

Үз әбисен тоткынлыкка алган 24 яшьлек егет хөкем каршына басачак

02 июня 2021, 09:59

Тикшерү Кукмара районында яшәүче 24 яшьлек егетне РФ Җинаять кодексының берьюлы берничә маддәсе, ә нәкь менә 119 маддәнең 1 өлеше ("Үтерү белән янау"), 127 маддәнең 2 өлешендәге "в", "г", "ж" пунктлары ("Законсыз рәвештә иректән мәхрүм итү") һәм 163 маддәнең 2 өлешендәге "в"пункты ("Акча таләп итү") буенча каралган җинаятьләр кылуда гаепли.

Скопировать ссылку

Россия тикшерү комитетының ТР буенча Тикшерү идарәсендә хәбәр итүләренчә, 8 мартта егет Мамадыш районының Иске Чәбия авылында үзенең өлкән яшьтәге әбисендә кунакта булган. Спиртлы эчемлекләрне чамадан тыш кулланган егет үз әбисен һәм тагын бер олы яшьтәге ирне тоткынлыкка алган. Шикләнелүче аларны өйләреннән чыгармый һәм, үтерү белән янап, карттан акча таләп итә.
Егет үз гаебен өлешчә таныган. Аңа карата суд тарафыннан сак астына алу рәвешендә чикләү чарасы сайланган. Җинаять эше Мамадыш район судына җибәрелгән.