Замирә Рәҗәпова: "Ирем белән бәхәсләштек, беребез дә юл куймады"
2 гыйнвар көнне танылган алып баручы Замирә Рәҗәпованың кызы Камиләгә 2 яшь тулды. Бу уңайдан Замирә кайбер истәлекләре белән уртаклашты.
2 гыйнвар көнне танылган алып баручы Замирә Рәҗәпованың кызы Камиләгә 2 яшь тулды. Бу уңайдан Замирә кайбер истәлекләре белән уртаклашты.
- УЗИда кыз буласын әйткәч, туган хисләр?
- Бик кызык булды ул. Узист ниндидер саннар, аңлашылмый торган хәрефләрдән комбинацияләр сөйли, тыныч кына, монотонно, шул уңайдан бервакыт бу “пол женский” димәсенме... Мин чак сикереп тормадым: “Подождите, подождите, у нас девочка?” Ә ул тыныч кына: “Да”... һәм дәвам итә. Ә мин һаман: “Ну, подождите, я этот момент ждала столько лет”. Ә ул: “Поздравляю”... Һәм тагын үлчәмнәр тезә... Мин аңлыйм, әлбәттә, аның өчен бу гади эш моменты, ә безнең өчен тарихи мизгел булды!
- Йөкле икәнлегегезне ирегезгә ничек әйттегез? Аның реакциясе?
- Яңа йортыбызда бер бүлмәне бүлешә алмадык. Ул анда кабинет ясарга теләде, ә мин кунак бүлмәсе булсын дидем. Бәхәсләштек, беребез дә юл куймады. Ул көнне тест ясадым. Янына килдем дә: “Сорау ябык!” – дидем. Ул көлде дә: “Шәп! Ни сиңа, ни миңа түгел”, - диде.
- Исемен кем тәкъдим итте?
- Мин берничә исем тәкъдим иттем. Арада Камилә дә бар иде. Бу исем миңа күптән ошый иде. Фамилия һәм әтисе исеменә куеп карадык та, әтисе ошатты. Аннары исемнең мәгънәсе бик матур, шуннан Камилә булып калды.
Кызыклы яңалыкларны күзәтеп бару өчен Вконтактега кушылыгыз.
Комментарийлар