Апас районы юлында коточкыч авария: исән калу мөмкинлеге булмаган
22 апрельгә каршы төндә Апас районында цемент ташучы машина светофор каршында туктап торган җиңел машиналарга килеп бәрелгән.
22 апрельгә каршы төндә Апас районында цемент ташучы машина светофор каршында туктап торган җиңел машиналарга килеп бәрелгән.
Дүрт кеше һәлак булган. Җинаять эше кузгатылган, дип хәбәр итә ТР Прокуратурасы.
Беренчел мәгълүматлар буенча, Апас районында Казан – Буа - Ульяновск автомобиль юлының 59 нчы чакрымында Foton йөк автомобиле йөртүчесе куркынычсыз тизлекне сайламаган һәм светофорның кызыл сигналына туктаган Sollers, Лада, КамАЗ һәм Opel автомобильләренә килеп бәрелгән.
Sollers автомобиле йөртүчесе һәм пассажиры, Лада Веста автомобиле йөртүчесе һәм пассажиры юл-транспорт һәлакәте урынында һәлак булган.
Әлеге факт буенча РФ Җинаять кодексының 264 маддәсенең 5 өлеше буенча җинаять эше кузгатылган (автомобиль белән идарә итүче зат тарафыннан саксызлык аркасында ике яки аннан да күбрәк кешенең үлеменә китергән юл хәрәкәте кагыйдәләрен бозу). Тикшерү барышы һәм нәтиҗәләре - район прокуратурасы контролендә.
.jpg)
Кызыклы яңалыкларны күзәтеп бару өчен Вконтактега кушылыгыз.
Комментарийлар