Башкортстан командасы Россия чемпионатына Татарстан егетләрен чакырган

Башкортстан көрәш федерациясе социаль челтәрләрдәге сәхифәсендә 26 апрельдә узачак Россия чемпионатында катнашачак көрәшчеләрне атады. Состав мондыйрак: Азимов Турал, Зиязов Евгений, Галимов Рамил, Зөлкәрнәев Артур, Кашафутдинов Рөстәм, Раджабов Рубин, Сыртаев Айнур, Ускомбаев Денис, Хәйруллин Дим, Хәсәнов Камил, Юлтимиров Мансур.

Күрәбез, Башкортстан командасы составында Әлмәт егете Рубин Раджабов та, Татарстан ярышларында Чистай өчен көрәшүче Турал Азимов та бар. Айнур Сыртаев та Чистай өчен көрәшә, әмма ул Башкортстан көрәшчесе. Шунысы кызык: бу егетләрне алдагы ярышларда Татарстан бәйгеләрендә күрә алырбызмы икән? Көрәш федерацияләре теге яки бу регион өчен көрәшкән егетләрнең икенче регион өчен көрәшергә тиеш түгеллеге турында ниндидер карар кабул да итә кебек, үтәлми генә инде. Ярый, көрәшсеннәр рәхәтләнеп. Әле башка төбәкләрдә күпме Татарстан егетләрен күрербез – әлегә әйтеп булмый.

Татарстан җыелмасы турында монда язган идек: Россия чемпионатында Татарстан данын кемнәр яклаячагы билгеле булды