16+

Бөек Ватан сугышының дөрес тарихын саклау – галимнәр бурычы

Казанда 11-12 апрельләрдә Татарстан Фәннәр академиясенең Шиһабетдин Мәрҗани исемендәге институтында “Бөек Ватан сугышы 1941-1945 еллар халыклар һәм төбәкләр язмышында” дигән IIнче халыкара фәнни конференция була.

Казанда 11-12 апрельләрдә Татарстан Фәннәр академиясенең Шиһабетдин Мәрҗани исемендәге институтында “Бөек Ватан сугышы 1941-1945 еллар халыклар һәм төбәкләр язмышында” дигән IIнче халыкара фәнни конференция була.

– Татарстан Рәисе Рөстәм Миңнеханов конференциягә зур әһәмият бирә. Россиянең 36 төбәгеннән һәм Бәйсез Дәүләтләр Берлегеннән 5 ил галимнәре килде. Фашизмны элекке СССРның күп милләтле халкы җиңде. Сугыш ветераннары бик аз калып килә, без – галимнәр Бөек Ватан сугышының дөрес тарихын сакларга һәм җәмәгатьчелеккә җиткерергә тиеш, – диде Шиһабетдин Мәрҗани исемендәге институт директоры Радик Салихов “Татар-информ” мәгълүмат агентлыгында үткәрелгән матбугат конференциясендә.

Россия Фәннәр академиясенең Россия тарихын өйрәнү институты директоры Юрий Петров, Мәскәүнең Ломоносов исемендәге университетның кафедра мөдире Александр Полунов та үзләренең чыгышларында сугыш турында тарихи дөреслеккә нигезләнү зарурлыгын искәрттеләр.

– Кыргызстанда Җиңүнең 80 еллыгы шигарендә чаралар оештырыла. Бөек Ватан сугышында кыргызлар да күпләп катнашты, эвакуацияләнгән халыкны сыендырды, соңгы икмәге белән бүлеште. Бөек Ватан сугышында барлык милләтләр бергәләшеп җиңү яулады. Форум бик оешкан төстә уза, сугыш турындагы дөреслекне җәмәгатьчелеккә җиткереп торуны туктатырга ярамый. Кыргызстанда да уза “Үлемсез полк” акцияләре, – диде Кыргызстан милли университетының фәнни-тикшеренү институты җитәкчесе Шойыркул Батырбаева.

Кызыклы яңалыкларны күзәтеп бару өчен Вконтактега кушылыгыз. 

Язмага реакция белдерегез

1

0

0

0

0

Реакция язылган инде

Комментарийлар

Мөһим

loading