Рекордка барабыз: Татарстанда яшәүче пенсионер мошенникларга 7 млн сумнан артык акча күчергән

19 апрельдә Арчада яшәүче пенсионер хатын полициягә мөрәҗәгать иткән.

11-17 апрельдә аның телефонына ФСБ һәм Россия финанс мониторинг хезмәткәрләре булып белдергән затлардан шалтыратулар килә. 

Финанс оешмасының ялган хезмәткәре, хәзерге вакытта хатын-кызның банк счетыннан акча күчерү бара, һәм аларны саклап калу өчен, кушымта аша «куркынычсыз счет»ка күчерергә кирәк, дип хәбәр итә.

Пенсионер ханым мошенникларның күрсәтмәләрен үтәгән. Нәтиҗәдә, күчерелгән акчаның гомуми суммасы 7 304 300 сумнан артып киткән.

РФ Җинаять кодексының 159 нчы маддәсенең 3 нче бүлеге тарафыннан каралган «Мошенниклык» билгеләре буенча җинаять эше кузгатылган. Җинаятьчеләр Свердловск һәм Вологда өлкәләрендә теркәлгән телефон номерларыннан эш иткәнлеге ачыкланган.