Татарстанда «Батырлар» дип аталган кадрлар проекты эшли башлады

15 февраль көнне Республика Рәисе Рөстәм Миңнеханов ветераннар һәм СВОда катнашучылар өчен «Геройлар вакыты» федераль программасына охшаш кадрлар проектын эшләтеп җибәрү турында игълан итте.

 "Программаның максаты-хакимият органнарында һәм дәүләт компанияләрендә эшләү өчен махсус хәрби операциядә катнашучылар арасыннан җитәкчеләр әзерләү", - диде Татарстан башлыгы.

Һөнәри белеме һәм кешеләр белән идарә итү тәҗрибәсе булган СВО ветераннары һәм хәрбиләре 18 февральдән 30 мартка кадәр сайтта теркәлә һәм конкурс нигезендә сайлап алуда катнаша ала. Катнашучыларга үзләренең көчле яклары һәм дәүләт хезмәтендә китерә алырлык файда турында эссе язарга, идарә потенциалын һәм интеллектуаль үзенчәлекләрен бәяләүгә тест, шулай ук әңгәмә узарга туры киләчәк.

Сайлап алуда җиңүчеләр шәхси остазлары консультацияләре белән идарә итү күнекмәләрен үстерүгә юнәлдерелгән программа буенча укулар узачак. Аларга дәүләт һәм муниципаль органнарда стажировкалар оештыралар. Җиңүчеләр карьера үсешенә ирешер, яшьләрне патриотик тәрбияләүгә, муниципаль берәмлекләрне һәм тулаем республиканы үстерүгә юнәлдерелгән проектларда катнаша алыр дип көтелә.

Җиңүчеләрне июньдә сайлап алалар, ә июльдә укулар башлана. Бу СВОда катнашучыларны хезмәттән азат итми. Аларны программа резервына алачаклар һәм алар демобилизациядән соң укуга керешә алачаклар. «Татарстан Республикасы Ватанны саклаганда иң яхшы сыйфатларын күрсәткән перспективалы җитәкчеләр пулын формалаштыру белән кызыксына", — дип билгеләп үтелә сайтта.